Ég er fædd 1981 og er Hafnfirðingur í húð og hár. Ég starfa bæði sem táknmálstúlkur og talmeinafræðingur hjá Túlkun & tal.

Hugmyndin að Túlkun & tal fæddist fljótlega eftir að ég lauk Mastersprófi frá læknadeild Háskóla Íslands vorið 2012. Að fá tækifæti til að starfa við bæði þau svið sem ég hef menntað mig til sá ég fyrir mér sem alger forréttindi og fjarlægan draum. Sá draumur varð að veruleika haustið 2016. Ég tek að mér öll túlkaverkefni. Sérstaða mín hefur verið kirkju-, tónlistar – og daufblindratúlkun. Þá sinni ég einnig töluvert af háskólatúlkun, heilbrigðistúlkun, ráðstefnutúlkun, viðburðatúlkun og túlkun af þriðja máli (ensku og norðurlandamál). Ég hef túlkað á allflestum sviðum lífsins og hlakka alltaf til að spreyta mig í næsta verkefni, hvert sem það kann að vera.

Þegar kemur að talmeinafræði vinn ég bæði með börnum og fullorðnum. Ég tek að mér þjálfun, greiningar og ráðgjöf. Einnig hef ég starfað hjá ýmsum sveitarfélögum, mestmegnis við greiningar og ráðgjöf.

Menntun

2012: Lauk M.S námi í talmeinafræði frá Háskóla Íslands
2010: Lauk námi í táknmálstúlkun frá Háskóla Íslands
2008: Lauk B.A námi í táknmálsfræði og uppeldis- og menntunarfræði frá Háskóla Íslands
2000: Útskrifaðist með stúdentspróf af náttúrufræðibraut frá Flensborgarskólanum í Hafnarfirði
1997: Útskrifaðist með grunnskólapróf frá Víðistaðaskóla í Hafnarfirði

Fyrri störf

Táknmálstúlkur við Háskóla Íslands (starfa enn)
Táknmálstúlkur á Samskiptamiðstöð heyrnarlausra og heyrnarskertra
Talmeinafræðingur í ýmsum sveitarfélögum t.d. Grindavík, Hveragerði, Uppsveitum Árnessýslu og Flóa, Höfn í Hornafirði og Hafnarfirði
7 mánaða verkleg þjálfun í talmeinafræði á Heyrnar- og talmeinastöð Íslands
Starfsmaður á sambýlinu Blikaási
Tjáskiptaþjálfi í Hæfingarstöðinni Bæjarhrauni